Lezzet.az

SİRAB

“Sirab” mineral suları Naxçıvan Muxtr Respublikasının şimal-şərqində, Babək rayonunun Sirab kəndi ərazisində yerləşir.
Zavodun tarixi 1951-ci ildə mineral sudoldurma sexinin tikilib istifadəyə verilməsi ilə başlanmışdır.
2003-cü ildə “Sirab” mineral sular zavodu “Babək Sirab” ASC-yə çevrilmiş və müasir texnologiyaların son nailiyyətlərindən istifadə etməklə yenidən qurulmuşdur.
Zavod işə başladığı  gündən indiyədək “Sirab” təbii mineral  müalicəvi süfrə suları əla dadına və  müalicəvi xüsusiyyətlərinə görə təkcə Azərbaycanda deyil, həm də Rusiya, Ukrayna, Türkiyə, İran və “Babək Sirab” ASC-nin məhsullarının ixrac olundugu digər ölkələrdə  də istehlakçıların rəğbətini qazanmışdır.
Hal-hazırda müəssisədə qazlaşdırılmış və qazlaşdırılmamış  “Sirab” təbii mineral  müalicəvi süfrə suyunun  müxtəlif  həcmli Pet və şüşə butulkalara doldurulması həyata keçirilir.
“Babək Sirab” ASC 2005-ci ilin may ayında İsveçerənin Cenevrə şəhərində “Biznesdə Yüksək Keyfiyyətə görə” qızıl medalı ilə təltif olunmuşdur.
2008-ci ilin fevral ayında isə “Babək Sirab” ASC ISO 9001:2000 beynəlxalq keyfiyyət sertifikatını almışdır.
2011-ci ilin noyabr ayında Qazaxstanın Almatı şəhərində keçirilən “Worldfood Kazakhstan” sərgisində “Sirab” təbii mineral  müalicəvi süfrə suyu ən yaxşı məhsul kimi “Keyfiyyət Diplomu” ilə təltif olunmuşdur.

Sirab – keyfiyyətini zamanın təsdiq etdiyi xalq brendidir.


Url: www.sirab.az